Denov tadbirkorlik va pedagogika institutida tashkil etilgan “Uch avlod uchrashuvi” tadbiri nuroniylar, mehnat faxriylari, jamoatchilik vakillari va talaba-yoshlarni bir maydonga jamladi.
Uchrashuvda yurt taraqqiyotiga munosib hissa qo‘shgan faxriylar va deputatlar ishtirok etib, Denov zaminidan yetishib chiqqan fidoyi insonlar, ularning hayot yo‘li va mehnat faoliyati haqida samimiy fikr-mulohazalar bildirdi.
Tadbir avlodlar o‘rtasidagi uzviy bog‘liqlikni mustahkamlash, yoshlarda Vatanga sadoqat, mehnatsevarlik va milliy qadriyatlarga hurmat tuyg‘ularini kuchaytirish nuqtai nazaridan muhim ahamiyat kasb etdi.
