Avstriyaning Vena shahrida bo‘lib o‘tgan BMT Jinoyatchilikning oldini olish va jinoiy odil sudlov komissiyasining 35-sessiyasida O‘zbekiston ilk bor mazkur nufuzli tuzilma a’zosi sifatida qatnashdi.
Sessiyada O‘zbekiston Respublikasi Prezidenti Administratsiyasi rahbari Saida Mirziyoyeva mamlakatimizda odil sudlovni takomillashtirish, ayollar va bolalar huquqlarini himoya qilish, yoshlarni qo‘llab-quvvatlash hamda jinoyatchilik profilaktikasi borasida amalga oshirilayotgan islohotlar haqida ma’ruza qildi.
Tashrif doirasida Avstriya va BMT rahbariyati vakillari bilan uchrashuvlar o‘tkazilib, xavfsizlik, jinoyatchilikka qarshi kurash, parlamentlararo hamkorlik va demokratik islohotlarni rivojlantirish masalalari muhokama qilindi.
Mazkur ishtirok O‘zbekistonning xalqaro maydondagi nufuzi ortib borayotgani hamda global xavfsizlik va adolat masalalaridagi tashabbuskor pozitsiyasini yana bir bor namoyon etdi.
