1-iyuldan boshlab ijobiy kredit tarixiga ega va avval mikrokreditdan foydalangan tadbirkorlar uchun garovsiz mikrokreditning maksimal miqdori 100 million so‘mdan 200 million so‘mga oshiriladi.
Mazkur yangilik kichik biznesni qo‘llab-quvvatlash kompleks dasturi doirasida joriy etilmoqda. Yangi tartib tadbirkorlarning moliyaviy resurslarga bo‘lgan imkoniyatlarini kengaytirib, biznesni rivojlantirish, yangi ish o‘rinlari yaratish va iqtisodiy faollikni oshirishga xizmat qiladi.
Mutaxassislar fikricha, garovsiz kredit limitining oshirilishi, ayniqsa, faoliyatini kengaytirishni rejalashtirayotgan kichik biznes vakillari uchun muhim moliyaviy ko‘mak bo‘ladi.
