Termiz shahri va Belarusning Polosk shahri o‘rtasida hamkorlikni yanada rivojlantirishga qaratilgan muhim kelishuv hamda “Yo‘l xaritasi” imzolandi.
Mazkur hujjatlar iqtisodiyot, investitsiyalar, sanoat, savdo, turizm, madaniyat va ta’lim sohalarida o‘zaro manfaatli aloqalarni kengaytirishga xizmat qiladi. Shuningdek, hududlar o‘rtasida tajriba almashish, qo‘shma loyihalarni amalga oshirish va ishbilarmonlik aloqalarini mustahkamlash bo‘yicha aniq vazifalar belgilandi.
Ushbu hamkorlik Termizning xalqaro aloqalarini kengaytirish, yangi investitsiyalarni jalb etish hamda hududning ijtimoiy-iqtisodiy rivojlanishiga xizmat qiladigan istiqbolli loyihalarni hayotga tatbiq etish uchun muhim qadam bo‘ldi.
