Bandixon tumanida barpo etilayotgan “Termiz” erkin iqtisodiy zonasining filiali hudud iqtisodiyotini rivojlantirishga xizmat qiladigan yirik loyihalardan biri bo‘lmoqda. Quduqsoy mahallasida 50 gektar maydonda tashkil etilayotgan mazkur zona yangi investitsiyalarni jalb etish, sanoat ishlab chiqarishini kengaytirish va aholi bandligini oshirishga qaratilgan.
Tashrif davomida tadbirkorlar tomonidan ishlab chiqilgan istiqbolli investitsiya loyihalari taqdim etilib, eksportbop mahsulotlar ishlab chiqarish, yangi korxonalarni ishga tushirish hamda qo‘shimcha ish o‘rinlari yaratish masalalariga alohida e’tibor qaratildi.
Shuningdek, hududni elektr energiyasi, ichimlik suvi, oqova tarmog‘i va zamonaviy yo‘l infratuzilmasi bilan ta’minlash bo‘yicha vazifalar belgilandi.
Mazkur loyiha Bandixonning sanoat salohiyatini oshirish, tadbirkorlikni qo‘llab-quvvatlash va aholi farovonligini yuksaltirishda muhim ahamiyat kasb etadi.
