Sariosiyo tumanidagi “Afrosiyob” mahallasida yangi zamonaviy mahalla binosi foydalanishga topshirildi. Ochilish marosimida tuman rahbariyati, nuroniylar, mahalla faollari va jamoatchilik vakillari ishtirok etdi.
Mahallada amalga oshirilgan keng ko‘lamli bunyodkorlik ishlari natijasida 16 ta ko‘p qavatli uy ta’mirlandi, ichki yo‘llar asfaltlandi, bolalar maydonchalari barpo etildi hamda hudud zamonaviy kuzatuv kameralari, “smart” eshik qulflari va “tashvish tugmalari” bilan jihozlandi.
Yangi mahalla binosi va yaratilgan infratuzilma aholi uchun qulay va xavfsiz yashash muhitini ta’minlash, jinoyatchilikning oldini olish hamda mahalla tizimi samaradorligini yanada oshirishga xizmat qiladi.
