Surxondaryo viloyatida “Kelajak uchun xorijiy til” loyihasini joriy etish bo‘yicha amaliy seminar-trening o‘tkazildi. Unda Termiz tumanidagi umumta’lim maktablari direktorlarining o‘quv ishlari bo‘yicha o‘rinbosarlari ishtirok etdi.
Seminarda xorijiy tillarni o‘qitish sifatini oshirish, o‘quvchilarni til darajasiga qarab guruhlarga ajratish hamda fakultativ mashg‘ulotlarni samarali tashkil etish masalalari muhokama qilindi. Mutaxassislar tomonidan “Toshkent tajribasi” asosida amaliy tavsiyalar berildi.
Mazkur loyiha 2026–2027-o‘quv yilidan Termiz shahri va Termiz tumanidagi maktablarda joriy etilishi rejalashtirilgan bo‘lib, bu yoshlarning xalqaro til sertifikatlarini qo‘lga kiritishi va zamonaviy ta’lim imkoniyatlarini kengaytirishda muhim qadam bo‘lishi kutilmoqda.
