Sherobod tumanidagi “Otabek Oltin Paxtasi” fermer xo‘jaligi g‘alla topshirish rejasini respublika bo‘yicha birinchilar safida muvaffaqiyatli bajardi. Fermer xo‘jaligi tomonidan belgilangan 389 tonna o‘rniga 478 tonna g‘alla topshirilib, reja 122,9 foizga uddalandi.
Fermer xo‘jaligi rahbari Xasanov Elmurod boshchiligida erishilgan ushbu natija yerga mehr, samarali mehnat va mirishkorlarning fidoyiligini yana bir bor namoyon etdi. Gektaridan 100 sentnerdan oshiq hosil olinayotgani esa yurtimizda oziq-ovqat xavfsizligini ta’minlashda muhim ahamiyat kasb etmoqda.
