Termiz shahrida “Yangi O‘zbekiston – Olimpiya cho‘qqilari” sport musobaqalari doirasida sportning sohil voleyboli turi bo‘yicha “Surxondaryo viloyati hokimi olimpiadasi” bellashuvlari bo‘lib o‘tdi.
Joriy mavsumda dasturga ilk bor sohil voleybolining kiritilgani yoshlar orasida ushbu sport turiga qiziqishni yanada oshirdi. Musobaqalarda viloyatning tuman va shahar bosqichlarida g‘olib bo‘lgan o‘g‘il-qizlar o‘zaro bahslashdi.
Yakuniy natijalarga ko‘ra, o‘g‘il bolalar o‘rtasida Sho‘rchi tumani, qizlar o‘rtasida esa Qumqo‘rg‘on tumani jamoasi g‘oliblikni qo‘lga kiritdi.
Musobaqa so‘ngida g‘olib va sovrindorlar medal hamda diplomlar bilan taqdirlandi.
