Sho‘rchi tumanining Dalvarzin hududida joylashgan “Jo‘rayeva Oysulton” bog‘dorchilik fermer xo‘jaligida eksportbop meva yetishtirish ishlari kengaymoqda.
Ayni paytda xo‘jalikdagi 120 tup olcha daraxtidan olingan hosil Rossiyaga eksport qilinib, bugungi kungacha 11 tonna mahsulot xorij bozoriga yo‘naltirildi. Bundan tashqari, bog‘bon Sherali Jo‘rayev tomonidan 2 gektar maydonda shaftoli bog‘i barpo etilib, ko‘chatlar parvarish qilinmoqda. Ikki yillik ko‘chatlar kelgusida yuqori hosil berishi kutilmoqda.
Fermer xo‘jaligida 4 nafar fuqaro doimiy ish bilan ta’minlangan bo‘lsa, mavsum davomida yana 30 nafarga yaqin aholi vaqtinchalik bandlikka jalb etilmoqda.
