Velosport — chidamlilik, tezlik va matonatni sinovdan o‘tkazadigan sport turlaridan biri bo‘lib, yoshlar orasida sog‘lom turmush tarzini targ‘ib etishda muhim o‘rin tutadi. So‘nggi yillarda ushbu sport turiga bo‘lgan qiziqish ortib, hududlarda iqtidorli sportchilar yetishib chiqmoqda.
Sport turlari bo‘yicha Prezident olimpiadasining 2-bosqich — Surxondaryo viloyati hokimi olimpiadasi doirasida o‘tkazilgan velo sport musobaqasida Jarqo‘rg‘on tuman sport maktabi sportchilari munosib ishtirok etib, yuqori natijalarni qayd etdilar hamda faxrli 1-o‘rinni qo‘lga kiritdilar.
Mazkur g‘alaba orqali jarqo‘rg‘onlik sportchilar Prezident olimpiadasining respublika bosqichiga yo‘llanmani qo‘lga kiritib, viloyat sharafini himoya qilish imkoniyatiga ega bo‘ldilar. Bu natija yosh sportchilarning mehnati, murabbiylarning fidoyiligi va sportga qaratilayotgan e’tibor samarasi bo‘ldi.
