Qumqo‘rg‘on tumanining “Bo‘ston” mahallasi Qizilqoya massivida tadbirkor Elyor Rahmonov tomonidan tashkil etilgan zamonaviy issiqxona majmuasida bugungi kunda 3 gektar maydonda qishloq xo‘jaligi mahsulotlari yetishtirilmoqda.
Issiqxonada bulg‘or qalampiri, pomidor, bodring va tarvuz parvarishlanib, yetishtirilgan hosil ichki hamda tashqi bozorlarga yetkazib berilmoqda. Bu esa nafaqat tadbirkorning barqaror daromad manbaini yaratmoqda, balki hudud oziq-ovqat ta’minoti va eksport salohiyatini oshirishga ham xizmat qilmoqda.
E’tiborlisi, avval yer unumdorligi past deb baholangan hududda zamonaviy yondashuv va mehnat orqali samarali loyiha yo‘lga qo‘yildi. Bugungi kunda ushbu issiqxona yangi ish o‘rinlari yaratish va tadbirkorlikni rivojlantirishda muhim ahamiyat kasb etmoqda.
