“Yilning eng yaxshi tarbiyachisi” ko‘rik-tanlovining respublika bosqichida Surxondaryo viloyati sharafini munosib himoya qilgan tarbiyachilar faxrli o‘rinlarni qo‘lga kiritdi.
“Ma’naviy qadriyatlar tarbiyachisi” nominatsiyasida Uzun tumanidagi 12-sonli davlat maktabgacha ta’lim tashkiloti tarbiyachisi Ra’no Kenjayeva 2-o‘rinni egallab, 20 million so‘m pul mukofoti bilan taqdirlandi.
Shuningdek, “Eng yaxshi o‘yin orqali ta’lim beruvchi tarbiyachi” nominatsiyasida Termiz shahridagi 26-sonli davlat maktabgacha ta’lim tashkiloti tarbiyachisi Hulkar Jo‘rayeva 3-o‘ringa sazovor bo‘lib, 15 million so‘m pul mukofotini qo‘lga kiritdi.
Mazkur yutuqlar maktabgacha ta’lim tizimida fidokorona mehnat qilayotgan tarbiyachilarning bilim va salohiyatiga berilgan yuksak e’tirofdir.
