Oltinsoy tumanining “Karasagan” mahallasida yuzaga kelgan sel oqibatida zarar ko‘rgan fuqarolar holidan xabar olinib, ularga tezkor yordam ko‘rsatildi. Tuman hokimi Otabek Mavlyanov va mutasaddi tashkilotlar vakillari hududga chiqib, xonadonlar ahvolini o‘rgandi.
Jabrlangan oilalarga oziq-ovqat mahsulotlari, qurilish materiallari va zarur buyumlar yetkazib berildi. Shuningdek, uy-joylarni tiklash, hududni tozalash ishlari bo‘yicha aniq vazifalar belgilandi.
Mazkur sa’y-harakatlar tabiiy ofat oqibatlarini qisqa muddatda bartaraf etish, fuqarolarni qo‘llab-quvvatlash va ularning hayotini tezda izga solishda muhim ahamiyat kasb etadi.
