“Boysun bahori” xalqaro folklor festivalini yuqori saviyada o‘tkazish maqsadida Sariosiyo tumaniga ajratilgan hududda tayyorgarlik ishlari jadallik bilan olib borilmoqda. Tadbir doirasida hududning boy madaniy merosi, milliy an’analari va turistik salohiyatini keng targ‘ib etishga alohida e’tibor qaratilmoqda.
Xususan, Sangardak sharsharasi kabi noyob maskanlar, hududga xos zotdor otlar va hisori qo‘ylar namoyishi orqali viloyatning o‘ziga xos jihatlari keng jamoatchilikka taqdim etiladi.
Shuningdek, madaniy chiqishlar, ko‘rgazmalar va targ‘ibot tadbirlarini puxta tashkil etish orqali festivalning mazmunan boy va esda qolarli o‘tishi ta’minlanmoqda. Mazkur festival milliy qadriyatlarni asrab-avaylash, turizmni rivojlantirish hamda hududning xalqaro nufuzini oshirishda muhim ahamiyat kasb etadi.
