Qumqo‘rg‘on tumanidagi Janubiy Surxon suv ombori hududida turizm infratuzilmasi izchil rivojlanmoqda. Bahor mavsumida suv omborining to‘lishi nafaqat ekologik muvozanatni yaxshilab, tabiatni jonlantiradi, balki qishloq xo‘jaligi uchun muhim suv zaxirasini ham ta’minlaydi.
Shu bilan birga, hududda motorli qayiqlarda sayr qilish xizmatlarining yo‘lga qo‘yilishi ichki turizm jozibadorligini oshirib, tashrif buyuruvchilar uchun qulay va mazmunli dam olish imkoniyatini yaratmoqda. Mazkur jarayon mintaqada turizm salohiyatini kengaytirish va iqtisodiy faollikni oshirishda muhim omil bo‘lib xizmat qilmoqda.
