2026-yil 1-maydan boshlab O‘zbekistonda har oyning 10- va 25-sanalarida “avtomobilsiz kun” hamda “avtomobilsiz hafta” aksiyalari o‘tkaziladi. Mazkur tashabbus ekologik holatni yaxshilash va shaharlaridagi transport yuklamasini kamaytirishga qaratilgan.
Aksiya doirasida davlat fuqarolik xizmatchilariga xizmat avtomobillaridan foydalanish taqiqlanadi. Shu bilan birga, agar ushbu kunlar ish kuniga to‘g‘ri kelsa, haydovchilarning ish haqi saqlab qolinadi.
Mutaxassislar ta’kidlashicha, bunday tashabbuslar havoning ifloslanishini kamaytirish, jamoat transportidan foydalanishni kengaytirish va aholining ekologik madaniyatini oshirishda muhim ahamiyatga ega. Bu amaliyot dunyo tajribasida ham samarali vosita sifatida keng qo‘llanilmoqda.
