Yurtimizda aholini tadbirkorlikka jalb etish, tomorqa va kichik yer maydonlaridan samarali foydalanishni qo‘llab-quvvatlash orqali oilalar daromadini oshirishga alohida e’tibor qaratilmoqda. Imtiyozli kreditlar va amaliy ko‘mak esa bu borada muhim omil bo‘lib xizmat qilmoqda.
Qumqo‘rg‘on tumanidagi “O‘zbekiston besh yilligi” mahallasida yashovchi Cho‘tboyev Panji 3 yil avval hokim yordamchisi tavsiyasi bilan 66 million so‘m imtiyozli kredit olib, 8 sotix yer maydonida issiqxona tashkil etdi. Bugungi kunda u yerda bulg‘or qalampiri yetishtirib, barqaror daromad topmoqda. Uning turmush o‘rtog‘i Xayitova Mavluda esa uy sharoitida tikuvchilik bilan shug‘ullanib, oila byudjetiga qo‘shimcha hissa qo‘shmoqda.
Mazkur oila misolida davlat tomonidan yaratilayotgan imkoniyatlardan oqilona foydalanish orqali qisqa fursatda barqaror daromad manbayiga ega bo‘lish mumkinligi yaqqol namoyon bo‘lmoqda. Bu kabi ijobiy tajribalar boshqa oilalarni ham faol bo‘lishga undab, jamiyatda farovonlikni oshirishga xizmat qiladi.
