Denov tumanida sog‘lom turmush tarzini targ‘ib etish va aholi jismoniy faolligini oshirish maqsadida ommaviy yugurish marafoni yuqori saviyada tashkil etildi. Tadbirda tuman hokimi Anvar Normamatov, sport jamoalari, yoshlar hamda keng jamoatchilik faol qatnashdi.
Marafonga Denov tadbirkorlik va pedagogika instituti, sport maktabi hamda ta’lim muassasalari jamoalari jalb etildi. Harbiy orkestr va xizmatchilar chiqishlari esa tadbirga yanada ko‘tarinki ruh bag‘ishladi.
Mazkur sport tadbiri nafaqat sog‘lom turmush tarzini keng yoyish, balki yoshlarni sportga jalb etish, jamiyatda birlik va hamjihatlikni mustahkamlashda muhim ahamiyat kasb etdi.
Natijalarga ko‘ra, Quvonch Ibodov marraga birinchi boʻlib yetib keldi. Faol ishtirokchi sifatida Dilnura Toshmurodova, yoshi ulug‘ qatnashchi sifatida Faxriddin Xudoyberdiyev taqdirlandi. G‘olib va sovrindorlar tuman hokimining esdalik sovg‘alari bilan rag‘batlantirildi.
