Oltinsoy tumani hokimligida afg‘onistonlik investorlar bilan uchrashuv o‘tkazilib, hududda investitsiya muhitini yaxshilash va yangi loyihalarni amalga oshirish masalalari muhokama qilindi.
Uchrashuvda sanoat, qishloq xo‘jaligi, xizmat ko‘rsatish hamda qayta ishlash yo‘nalishlarida istiqbolli tashabbuslar ilgari surildi. Tuman hokimi Otabek Mavlyanov ushbu loyihalarni qo‘llab-quvvatlash va ularni tezkor amalga oshirish uchun barcha zarur sharoitlar yaratilishini ta’kidladi.
Tomonlar o‘rtasida erishilgan kelishuvlar yangi ish o‘rinlari yaratish, hudud iqtisodiyotini rivojlantirish hamda xalqaro hamkorlikni mustahkamlashda muhim ahamiyat kasb etadi.
