Surxondaryo viloyatida O‘zbekiston Jurnalistlar uyushmasi viloyat bo‘limining navbatdagi umumiy yig‘ilishi bo‘lib o‘tdi. Unda 2021–2025 yillarda amalga oshirilgan ishlar tahlil qilinib, sohani rivojlantirish hamda jurnalistlar uchun yaratilgan imkoniyatlar muhokama etildi.
Yig‘ilishda nazorat-taftish komissiyasi hisoboti tasdiqlandi, delegatlar saylandi va boshqaruvning yangi tarkibi shakllantirildi. Shuningdek, 2026–2030 yillarga mo‘ljallangan “Yo‘l xaritasi” qabul qilinib, Respublika konferensiyasiga hududdan vakillar belgilandi.
Mazkur qarorlar jurnalistika sohasini yanada rivojlantirish, axborot ochiqligini ta’minlash hamda jurnalistlarni qo‘llab-quvvatlashda muhim ahamiyat kasb etadi.
