Muzrabot tumani, “Yangi diyor” mahallasida “Yangi O‘zbekiston qiyofasidagi mahalla” konsepsiyasi asosida keng ko‘lamli qurilish ishlari olib borilmoqda. Loyiha doirasida 30 ta zamonaviy ko‘p qavatli uy-joy barpo etilishi rejalashtirilgan bo‘lib, hozirda ulardan 2 tasida qurilish ishlari faol davom etmoqda.
Tuman hokimi Abdulla Mamatqulov hududga tashrif buyurib, qurilish jarayonini o‘rgandi. U ishlar sifati va muddatlarga qat’iy rioya etish yuzasidan mas’ullarga tegishli ko‘rsatmalar berdi.
Mazkur loyiha aholining turmush sharoitini yaxshilash, zamonaviy infratuzilmani shakllantirish hamda hududning obod va qulay maskanga aylanishida muhim ahamiyat kasb etadi.
