Prezident tashrifi davomida belgilangan ustuvor vazifalar ijrosini ta’minlash maqsadida Surxondaryo viloyatida tizimli ishlar olib borilmoqda. Shu munosabat bilan viloyat hokimi Ulug‘bek Qosimov rahbarligida investitsiya, eksport va turizm sohalariga oid muhim masalalar muhokama qilindi.
Yig‘ilishda viloyat eksport salohiyatini oshirish, umumiy eksport hajmini 1 milliard dollarga yetkazish hamda Termiz xalqaro savdo markazi orqali eksport hajmini bosqichma-bosqich ko‘paytirish bo‘yicha aniq vazifalar belgilandi. Shuningdek, 2026-yilda 3 milliard dollar miqdorida xorijiy investitsiyalarni o‘zlashtirish, tog‘-kon sanoati va qurilish sohalarida yangi loyihalarni amalga oshirish masalalari ko‘rib chiqildi.
Muhokamalar yakunida belgilangan topshiriqlar ijrosini o‘z vaqtida va sifatli ta’minlash uchun mas’ullar biriktirilib, har bir yo‘nalish bo‘yicha aniq chora-tadbirlar belgilab olindi.
