Prezidentning 2026-yil 5-yanvardagi PQ-1-sonli qarori ijrosi doirasida tumanimizda o‘tkazilayotgan “Ijtimoiy profilaktika haftaligi” tadbirlari doirasida aholini ijtimoiy qo‘llab-quvvatlashga qaratilgan navbatdagi muhim tashabbus amalga oshirildi.
Tadbir doirasida ijtimoiy ko‘makka muhtoj fuqarolar, nogironligi bo‘lgan shaxslar va keksalar uchun sayyor bepul tibbiy ko‘rik tashkil etildi. Malakali shifokorlar tomonidan fuqarolar ko‘rikdan o‘tkazilib, sog‘liq holati bo‘yicha maslahatlar hamda zarur davolanish yuzasidan tavsiyalar berildi.
Mazkur xayriya tadbiri aholining sog‘ligini muhofaza qilish, tibbiy xizmatlardan foydalanish imkoniyatlarini kengaytirish hamda inson qadrini ulug‘lash tamoyilini amalda namoyon etdi.
