“Mahallani rivojlantirish va jamiyatni yuksaltirish yili” doirasida Termiz tumanida mahallalar infratuzilmasini yaxshilash bo‘yicha manzilli ishlar izchil olib borilmoqda. Ushbu sa’y-harakatlar aholining turmush darajasini oshirish va qulay yashash muhitini yaratishga qaratilgan.
Jumladan, tumanning “Kelajak” mahallasida qariyb 3 kilometr ichki yo‘llarni asfaltlash ishlari boshlandi. Mazkur loyiha mahalla aholisi uchun xavfsiz, ravon va qulay yo‘l sharoitlarini yaratib, kundalik harakatlanish imkoniyatlarini sezilarli darajada yaxshilaydi.
Mazkur bunyodkorlik ishlari mahalla obodligini ta’minlash, infratuzilmani rivojlantirish hamda aholi farovonligini oshirishga xizmat qilmoqda.
