Termiz xalqaro savdo markazida o‘tkazilgan seminarda markaz faoliyatini yanada rivojlantirish, tashrif buyuruvchilar sonini oshirish maqsadida turli tadbirlar tashkil etish vazifalari belgilab berilgan edi. Mazkur topshiriqlar ijrosi doirasida Termiz xalqaro savdo markazi viloyat sport boshqarmasi, Kurash federatsiyasi hamda markaz rahbariyati hamda 75 nafar murabbiy hamda 100 dan ortiq sportchi-yoshlar ishtirokida uchrashuv o‘tkazildi.
Unda o‘tkazilishi rejalashtirilgan viloyat kubogi musobaqasiga tayyorgarlik masalalari muhokama qilindi va sportchilar bellashuv oldidan tarozidan o‘tkazildi. Shuningdek, Termiz xalqaro savdo markazida kurash bo‘yicha joriy yilda o‘tkazilishi rejalantirilgan turli xalqaro va milliy chempionat hamda musobaqalar haqida ishtirokchilarga batafsil axborot berildi. Tadbirdan so‘ng ishtirokchilar Termiz xalqaro savdo markazi faoliyati hamda u yerda yaratilgan sharoitlar bilan yaqindan tanishdilar.
