“Yoshlar turizm haftaligi” doirasida ishlab chiqilgan dastur asosida Sherobod tumanidagi bir qator umumta’lim maktablari o‘quvchilari ishtirokida mazmunli va esda qolarli sayohatlar tashkil etildi.
Mazkur sayohatlarning asosiy maqsadi o‘quvchi yoshlarning qishki ta’til davrini samarali tashkil etish, “O‘zbekiston bo‘ylab sayohat qil” shiori ostida ularning Vatanga muhabbat, milliy g‘urur va iftixor tuyg‘ularini yanada mustahkamlashdan iborat bo‘ldi.
Sayohatlar davomida tarixiy obidalarga uyushtirilgan ekskursiyalar orqali o‘quvchilar yurtimizning boy tarixiy va madaniy merosi bilan yaqindan tanishib, muhim va qimmatli ma’lumotlarga ega bo‘ldilar.
