2025-yil 1-dekabrdan boshlab idoralararo axborot almashinuvi yo‘lga qo‘yilishi natijasida fuqarolar uchun bir qator ortiqcha hujjat talab qilish amaliyoti bekor qilinadi. Bu esa davlat xizmatlarini yanada qulay, tezkor va byurokratiyasiz olish imkonini yaratadi. Yangi tartibga ko‘ra ba’zi o‘zgarishlar joriy etiladi.
Endilikda FHDYO organlari nikohlanuvchi shaxslardan tibbiy ko‘rik natijalarini olib kelishni so‘ramaydi. Kerakli ma’lumotlar tegishli tashkilotlar o‘rtasida elektron tarzda almashiladi.
Sud qarori elektron tizim orqali FHDYOga avtomatik ravishda yetkaziladi va dalolatnoma yozuvi shunga asosan shakllantiriladi. Bu jarayonlarni sezilarli darajada soddalashtiradi.
Avtomobil egasining manzili endilikda hujjatda aks ettirilmaydi. Bu ortiqcha ma’lumotni qisqartirib, hujjatlarni zamonaviy talablarga moslashtiradi.
Mazkur o‘zgarishlar davlat xizmatlarida ortiqcha byurokratiyani kamaytirib, jarayonlarni raqamlashtirish va fuqarolarga qulaylik yaratishga qaratilgan muhim qadam hisoblanadi.
