Prezident farmoniga muvofiq, qishloq xo‘jaligi sug‘urtasi tizimi joriy etilib, uning asosiy maqsadlari belgilandi. Unga ko‘ra, tabiiy va texnogen ofatlar, yong‘in, kasallik va zararkunandalar oqibatida o‘simliklar hamda hayvonlarga yetkazilgan zararlarni qoplash tizimi yo‘lga qo‘yiladi. Shuningdek, 2030-yilga qadar qishloq xo‘jaligi mahsulotlari ishlab chiqarish hajmini bosqichma-bosqich 20 foizga oshirish va ishlab chiqaruvchilarning xavf-xatarlarini kamaytirish rejalashtirilgan.
Farmon bilan ushbu yo‘nalishdagi islohotlarni moliyaviy qo‘llab-quvvatlash maqsadida Qishloq xo‘jaligi sug‘urtasi jamg‘armasi tashkil etilishi belgilandi.
