Iqtisodiyot va moliya vazirligi taqdim etgan 2026–2028-yillar byudjetnomasiga ko‘ra, 2026-yil 1-apreldan boshlab kartoshka chipslariga aksiz solig‘i joriy etilishi taklif qilindi. Taklifga muvofiq, iste’molga tayyor 1 kilogramm kartoshka chipsi uchun 15 ming so‘m miqdorida aksiz solig‘i belgilanishi ko‘zda tutilmoqda. Soliqni kartoshka chipsi ishlab chiqaruvchi yuridik shaxslar hamda mamlakatga mazkur mahsulotni olib kiruvchi importchilar to‘laydi.
Mazkur tashabbus Jahon sog‘liqni saqlash tashkiloti tavsiyalari va Sog‘liqni saqlash vazirligining sog‘lom ovqatlanishni rag‘batlantirish bo‘yicha ko‘rsatmalari asosida ishlab chiqilgan bo‘lib, boshqa davlatlar tajribasi ham o‘rganilgan.
