Angor tumanidagi 10-sonli umumiy o‘rta ta’lim maktabida Yangi O‘zbekiston qiyofasiga mos namunaviy loyiha asosida zamonaviy va qulay “Book cafe” ochildi. Ochilish marosimida tuman hokimligi vakillari, mahalla faollari va keng jamoatchilik ishtirok etdi.
Yoshlar uchun yaratilgan ushbu maskanda sog‘lom ovqatlanish imkoniyatlari, o‘zbek va jahon adabiyotining sara asarlari jamlangan kitob javonlari mavjud. “Book cafe” o‘quvchilarga bilim doirasini kengaytirish, bo‘sh vaqtini mazmunli o‘tkazish va kitobxonlikka bo‘lgan qiziqishni oshirishda muhim rol o‘ynaydi.
