Milliy gvardiya viloyati boshqarmasi tashabbusi bilan Termiz harbiy prokuraturasi, Yoshlar ittifoqi hamkorligida yoshlar uchun navbatdagi “Ochiq eshiklar kuni” tadbiri o‘tkazildi. Mazkur tadbirda yosh avlodni vatanparvarlik ruhida tarbiyalash, ularni harbiy xizmatchilar faoliyati va yaratilgan shart-sharoitlar bilan yaqindan tanishtirish maqsadi ko‘zlangan.
Bir kunlik sayohatda ishtirok etgan o‘g‘il-qizlar harbiy xizmatchilarning jangovar mahoratlarini amaliy tarzda tomosha qilishdi, zamonaviy harbiy texnikalarning imkoniyatlaridan voqif bo‘lishdi. Shuningdek, ular bo‘linmalardagi maxsus texnikalar, qurol-aslahalar va jihozlar bilan bevosita tanishish imkoniga ega bo‘ldi. Bu jarayon yoshlar qalbida harbiy kasbga qiziqish, mas’uliyat va faxr tuyg‘usini yanada mustahkamladi.
Tadbir doirasida “Rahbar va yoshlar” uchrashuvi ham tashkil etildi. Unda Termiz harbiy prokurori Sh.Mirzayev yoshlar bilan ochiq muloqot qilib, ularning taklif va fikrlarini tingladi.
Ushbu yoshlar qalbida Vatanga muhabbat va sadoqat tuyg‘usini yanada kuchaytirishga, harbiy xizmatga nisbatan to‘g‘ri tasavvur shakllanishiga xizmat qildi.
Sherzod Mirzayev,
Termiz harbiy prokurori
