Rossiya Davlat Dumasidagi so‘nggi bayonotlar ijtimoiy tarmoqlarda muhokamalarga sabab bo‘ldi. Ammo O‘zbekiston elchixonasi amaldagi Rossiya qonunchiligiga ko‘ra, o‘zbekistonliklarning shaxsiy avtomobil boshqarish uchun milliy haydovchilik guvohnomasidan foydalanish huquqi saqlanib qolishini ma’lum qildi.
Professional faoliyat — taksi, yo‘lovchi yoki yuk tashish bilan shug‘ullanish uchun esa Rossiya haydovchilik guvohnomasi talab etiladi. Elchixona vaziyat bo‘yicha Rossiya rasmiylari bilan muloqotni davom ettirmoqda va fuqarolarga ta’sir qilishi mumkin bo‘lgan o‘zgarishlar yuzasidan o‘z vaqtida ma’lumot berishini bildirdi.
