Prezident farmoyishiga ko‘ra, davlat korxonalarida boshqaruv xodimlari soni 10 foizgacha qisqartiriladi. Ushbu qaror korxonalar faoliyatini soddalashtirish, boshqaruv xarajatlarini kamaytirish va samaradorlikni oshirishni maqsad qiladi.
Shuningdek, 2026-yilda davlat ulushi 50 foiz va undan yuqori bo‘lgan korxonalarda mahsulot tannarxini pasaytirish, ishlab chiqarish samaradorligini oshirish bo‘yicha aniq vazifalar belgilandi.
Farmoyishda davlat korxonalarining Prezident qarorlari va maxsus topshiriqlardan tashqari boshqa holatlarda homiylik faoliyatini to‘xtatishi ham belgilab qo‘yildi. Bu tartib mablag‘lardan maqsadli foydalanishni ta’minlashga xizmat qiladi.
