Dunyo miqyosida o‘tkazilayotgan nufuzli musobaqalarda O‘zbeksiton terma jamoasi tarkibida surxondaryolik sportchilar ham yurtimiz sharafini munosib himoya qilmoqda. Xitoyda o‘tayotgan Tayekvondo (WT) bo‘yicha jahon chempionatida -74 kg vazn toifasida bellashgan Najmiddin Qosimhojiyev barcha raqiblarini mag‘lub etib, oltin medalga sazovor bo‘ldi.
Shuningdek, -54 kg vazn toifasidagi terma jamoa a’zosi Jahongir Xudoyberdiyev yarim finalgacha yetib borib, bronza medalini qo‘lga kiritdi.
Bahraynning Manama shahrida o‘tayotgan III Yoshlar Osiyo o‘yinlarida surxondaryolik sportchi Mirzohid Xudoyqulov -73 kg vazn toifasida barcha raqiblarini mag‘lub etib, Osiyo chempioni bo‘ldi. Bu g‘alabalar nafaqat yurtimiz, balki butun Surxondaryo sport maktabining yuksak salohiyati va tafakkuri, irodasi va mehnatsevarligi samarasidir.
