Bandixon tumanidagi “Obod turmush” mahallasida istiqomat qiluvchi Jamila Ashurovaning boshlagan oilaviy tadbirkorlik faoliyati mahallaning ijtimoiy-iqtisodiy hayotiga ijobiy ta’sir ko‘rsata oldi.
Xususan, yosh tadbirkorning tashabbusi bilan tashkil etilgan qandolat mahsulotlari ishlab chiqarish korxonasi bugungi kunda nafaqat aholiga xizmat ko‘rsatmoqda, balki 3 nafar xotin-qizlarni ish bilan ta’minlashga ham erishilgan.
Tadbirkorlik yo‘lida zarur sharoitlarning yaratilishida mahalla hokim yordamchisi tomonidan imtiyozli kreditlar ajratilishida ko‘mak ko‘rsatilgan bo‘lib, bu esa loyihaning muvaffaqiyatli yo‘lga qo‘yilishida muhim omil bo‘ldi.
