Boysun nafaqat tabiiy iqlimi, balki boy tarixiy merosi, o‘ziga xos udumlari, turmush tarzi, hotto turfa an’analari bilan bir-birini aslo takrorlamaydi. Shu bois ham uni Boysunga tashrif buyuruvchi mehmonlar soni yil sayin ko‘paymoqda. Shuningdek, bu yerda muqaddas qadamjolar, ziyoratgohlar, g‘orlar, daraxtlar tepaliklar, tog‘lar, chashma-yu, buloqlar bor va har biri o‘z tarixiga ega. Ko‘pgina ziyorat joylarimiz aholi o‘rtasida “Shahid” mozor nomi bilan mashhur. Bu kabi ziyoratgohlarning tarbiyaviy ahamiyati haqida qiziqarli ma’lumotlar keltirilgan.
Vazirlar Mahkamasining 2022-yil 7-iyundagi “Uzundara” arxeologiya yodgorligini muhofaza qilish va undan oqilona foydalanish chora-tadbirlari to‘g‘risida”gi qaroriga muvofiq “Sayrob” mahallasida Yunon-Baqtriya tarixi muzeyi tashkil etildi. Ajdodlarimiz tafakkuri va dahosi bilan yaratilgan eng qadimgi hunarmandchilik ishlaridan tortib, xalq og‘zaki ijodini bugungi kunda asrab avaylashimiz va ularni kelajak avlodga busbutun yetkazish zimmamizdagi vazifadir.
Boysun tuman axborot kutubxona markazida yoshlarga Boysun tarixi haqida ma’lumotlar olishlari va o‘rganib borishlari uchun “Boysun jannatmakon yurt” kanali o‘z ish faoliyatini boshlagani ham tug’ilib o’sgan vatani haqida yetarlicha ma’lumot berishga xizmat qiladi.
Manzura Raxmonova,
Tuman Axborot-kutubxona markazi axborot-bibliografiya xizmati rahbari
