Bayram — xushkayfiyat bag‘ishladi

Yurtimizda oltin kuz fasli hukmron. Ayni pallada mevalar g‘arq pishib, ayni hosil yig‘ib-terib olinadigan vaqt. Bolajonlarni foydali, vitaminlarga boy mevalarni iste’mol qilishga undash bilan birga, ularni parvarishlash, isrof qilmaslikka ham o‘rgatish lozim. Har faslning go‘zalligi, foydali xususiyatlarini uqtirish ham foydadan holi emas. Ayni jihatlarni hisobga olgan holda Oltinsoy tumanidagi 27-sonli DMTTda katta guruh tarbiyalanuvchilari bilan “MEHRJON” bayram tadbiri tashkil etildi.
Bayram ajoyib va qiziqarli o‘tdi. Asosiysi, bolajonlar o‘zlari yodlagan she’rlarini ifodali o‘qidilar. Bayramga tayyorlagan tuhfa sifatida sho‘x-shodon qo‘shiqlarga raqsga tushdilar. Ayniqsa, bolajonlar oʻrtasida quvnoq startlar musobaqasi ularga xushkayfiyat bag‘ishladi.