Termiz shahrida17-18-oktyabr kunlari “Imom Termiziy ilmiy merosining islom sivilizasiyasida tutgan o‘rni” mavzusiga bag’ishlangan xalqaro ilmiy-amaliy anjuman bo‘lib o‘tishi reja qilinganidan xabaringiz bor. Ushbu nufuzli anjumanda yurtimizdagi taniqli islomshunos olimlar, soha mutaxassislari, ilmiy tadqiqotchilarimiz bilan birga dunyoning o‘nga yaqin mamlakati, jumladan, Turkiya, Qatar, Misr, Birlashgan Arab Amirliklari, Hindiston, Qirg‘iziston kabi davlatlardan ellikdan ortiq taniqli olim-u ulamolar o‘z ma’ruzalari bilan ishtirok etadi.
Shuningdek, tadbirda qatnashish uchun shu kunga qadar Turkiyaning 16 ta universitetidan 30 dan ortiq islomshunos olimlar viloyatimizga tashrif buyurdi. Bugun mehmonlar Al Hakim at-Termiziy va Imom Termiziy qadamjolarini ziyorat qilishayotir. Aytish joizki, xalqaro anjuman ishtirokchilarining viloyatimizga tashrifi davom etmoqda.
D.Qo‘zimurotova
