“Halollik” toʻgaraklari yoʻlga qoʻyiladi

Bolani yoshligidan halollikka o‘rgatish lozim. Ana shundagina korrupsion holatlarga qarshi kurashishga hojat qolmaydi. Ayni maqsadda Korrupsiyaga qarshi kurashish agentligi tomonidan GRACE dasturini Oʻzbekistonda joriy etish boʻyicha 2024-2027-yillarga moʻljallangan “Yoʻl xaritasi” tasdiqlandi va ijroga qaratildi. Ushbu “Yoʻl xarita”si doirasida Korrupsiyaga qarshi kurashish agentligi hamda manfaatdor vazirlik-idoralar hamkorligida korrupsiyaga qarshi murosasiz munosabatni shakllantirish boʻyicha bir qator chora-tadbirlar amalga oshiriladi.
Maktabgacha va maktab taʼlimi muassasalarida “Oʻquvchi-yoshlar halollik tarafdori” 10 kunligi va “Halollik” toʻgaraklari tizimli ravishda yoʻlga qoʻyiladi. Shuningdek, “Profilaktika kunlari” va “Sinf soat”lari doirasida “Halollik qadriyatlari”, “Toʻgʻrilik, mehnatsevarlik xotirjam hayot asosi” mavzularida targʻibot-tashviqot tadbirlari tashkil etiladi.
Ushbu tizim kasb-hunar taʼlimi va oliy taʼlim muassasalarida hm davom etadi. Shuningdek, ixtisoslashgan taʼlim muassasalarida korrupsiyaga qarshi taʼlim va tadqiqot, yoshlarda korrupsiyaga qarshi murosasiz munosabatni shakllantirish va ularning faolligini oshirish yoʻnalishlarida ham bir qator chora-tadbirlar amalga oshiriladi.