Oltinsoy tumanida joylashgan Xidirsho kanalidagi sel tashlama gidrotexnik inshootlarini ta’mirlash ishlari amalga oshirilmoqda. Mazkur ishlar suv oqimini tartibga solish, sel suvlarining xavfsiz o‘tishini ta’minlash hamda sug‘orish tizimi samaradorligini oshirishga qaratilgan.
Mutasaddi tashkilotlar tomonidan gidrotexnik inshootlarni mustahkamlash va ularning barqaror ishlashini ta’minlash yuzasidan zarur choralar ko‘rilmoqda. Ta’mirlash ishlari belgilangan reja asosida izchil davom ettirilmoqda.
Ushbu ishlar hududda suv xo‘jaligi infratuzilmasini mustahkamlash, qishloq xo‘jaligi yerlarining barqaror suv ta’minotini ta’minlashda muhim ahamiyat kasb etadi.
