Bahor bayramlar bilan boshlanadi va ko‘ngilga xushnudlik, bahoriy kayfiyat ulashadi. 8-mart – Xalqaro xotin-qizlar kuni munosabati bilan Termiz davlat universitetida ham tantanali bayram tadbiri tashkil etildi. Unda universitetda faoliyat yuritayotgan 700 nafar muhtarama professor-oʻqituvchi va ishchi-xodimlar, faxriy ustozlar taklif etildi.
To‘kin dasturxon atrofida jam bo‘lgan dilbar ayollar universitet rektori A.Toshqulov tomonidan nafosat va go‘zallik bayrami bilan samimiy qutlandi. Taʼkidlanganidek, e’tirof etish joizki, universitetda faoliyat yuritayotgan xotin-qizlar har jabhada faollik koʻrsatib, salmoqli natijalarni qayd etishmoqda.
Tadbir davomida aziz ayollar uchun bayram dasturi namoyish etildi. Dilrabo kuy-qo‘shiqlar yig‘ilganlarga bayram kayfiyatini ulashdi. Yakunda ayyom sababchilariga bayram sovgʻalari ulashildi.
Bayram tantanalari oliygohdagi talabalar turar joylarida ham davom etib, doshqozonlarda osh damlandi. 3000 nafarga yaqin talaba-qiz uchun yozilgan dasturxon kutilmagan sovg‘a bo‘ldi. Ayniqsa, universitet rektori A.Toshqulovning samimiy qutlovi barchaga manzur bo‘ldi.
