Viloyat bosqichi Bandixonda

Sportning hayotimizdagi o‘rni nihoyatda katta. Sog‘lom, tetik bo‘lish bilan birga muvaffaqiyatga ham eltadi. Ayni shu sababdan ham barchani sport bilan shug‘ullanishga targ‘ib etamiz, tavsiya etamiz. Yurtimizda bu borada esa salmoqli ishlar amalga oshirilayotganini e’tirof etish o‘rinlidir.
Ayni ishlarning davomi sifatida Bandixon tumani Bandixon mahallasida joylashgan sport maktabida sportning kikboksing turi bo‘yicha viloyat bosqichi bo‘lib o‘tmoqda. Ko‘tarinki ruhda boshlangan bellashuvda sportchilarga omad va muvaffaqiyatlar tilandi. Shundan so‘ng, o‘z vazn toifalari bo‘yicha ishtirokchilar birinma-ketin maydonga tushdilar. Bellashuv qiziqarli va murosasiz bellashuvlarga boy o‘tmoqda. Raqiblar bor imkoniyatlarini ishga solib, o‘z foydasiga ochkolarni yozishayotir. Hakamlar hay’ati ham jarayonni kuzatib, musobaqani shaffof va adolatli o‘tishi uchun bor diqqatlarini ishga solgan.
Kikboksing turi bo‘yicha kurashlar davom etmoqda.