Tadbirkor – elga madadkor

Tadbirkor o‘z faoliyatini to‘g‘ri yo‘lga qo‘yib, muvaffaqiyatga erishdimi, o‘z ishini kengaytirish, yangidan-yangi g‘oyalarni amaliyotga tatbiq etish haqida o‘ylaydi. Bu daromadni oshirib, yangi ish o‘rinlarini kengayishiga, xizmat turlari yoki ishlab chiqarishning ortishiga xizmat qiladi. Davlatimiz rahbari tomonidan ham tadbirkorlarga katta imkoniyatlar va sharoitlar yaratilayotgani ishbilarmonlarni yanada ruhlantirmoqda.
Ana shunday tadbirli tadbirkorlarimizning tashabbusi bilan Angor tumanida “Erizon” savdo markazining yana bir filiali foydalanishga topshirildi. Binoning ochilish marosimida tuman hokimi Qosim Mardonov tadbirkorning aholi farovonligiga, uzog‘ini yaqin qilishga, uy-ro‘zg‘or buyumlari hamda mebellar bilan ta’minlashga xizmat qiluvchi ezgu sa’y-harakatiga omad tiladi.
Nuroniylar duoga qo‘l ochib, yurtimizga tinchlik, xalqimiz dasturxoniga to‘kin-sochinlik, fayzu baraka tilashdi. Ochilish marosimidan so‘ng, tadbirkor faoliyatini boshladi.