“Intellekt” jamoasi g‘olib

Yoshlarning intellektual salohiyatini oshirish, o‘z iqtidor va bilimlarni kashf etishlari uchun turli loyihalar, tanlov va tadbirlar uyushtiriladi. Bu o‘z sohasiga, tanlagan yo‘lini davom ettirishga qiziqish uyg‘otish bilan birga, o‘zi tug‘ilib o‘sgan yurtga daxldorlik tuyg‘usini ham mustahkamlaydi. Shu maqsadda Adliya vazirligi yuridik texnikumlari o‘rtasida Idrok intellektual o‘yinlari tashkil etilib kelinadi. Surxondaryo viloyatida ham ushbu o‘yinlarning hududiy bosqichiga start berildi.
Idrok intellektual o‘yinining tasdiqlangan nizomiga muvofiq Surxondaryo viloyat yuridik texnikumi o‘quvchilaridan shakllantirilgan 6 ta jamoa ishtirokida tanlovning viloyat bosqichi bo‘lib o‘tdi. Qizg‘in bahs va munozaralarga boy o‘tgan intellektual o‘yinda o‘quvchilarning umumiy, huquqiy va qiziqarli savollarga tezkorlik bilan javob berish bo‘yicha bilim va ko‘nikmalari sinovdan o‘tkazildi. Natijalarga ko‘ra “Intellekt” jamoasi respublika bosqichi uchun yo‘llanmani qo‘lga kiritdi.