…davlat siyosati darajasida qo‘llab-quvvatlanadi

So‘nggi bir necha yil ichida xususiy universitetlarning faoliyati yo‘lga qo‘yildiki, bu oliy ma’lumot olishga ishtiyoqi baland yoshlarni qiziqtirmay qolmadi. Ammo, ko‘pchilikda o‘qishga kirishga ikkilanish ham paydo qilgani haqiqat. Ya’ni, “o‘qishga kirsam-u tamomlagach, ishga olisharmikan?” “O‘qishni tamomlamay, universitet yopilib qolsachi?” “Ta’lim tizimi qanday olib borilar ekan, yetarlicha bilim va ko‘nikmaga ega bo‘la olamanmi?”
Xolbuki, xususiy universitetlarda tahsil olayotgan va o‘qishga kirishga ikkilanib turgan, yuqoridagi savollar qiynayotgan yoshlarni tinchlantirish maqsadida aytish kerakki, kuchga kirgan Yangi Konstitutsiyamizda davlat universitetlari bilan xususiy universitetlarining huquq va maqomlari tenglashtirib ko‘rsatilgan.
Qolaversa, nodavlat oliygoh talabalariga davlat tomonidan moddiy yordam koʻrsatiladi. Nodavlat oliygoh talabalari uchun ham stipendiyalar moliyalashtirish tartibi tasdiqlangan.
Talabalar to‘lagan kontrakt pulidan 12 foiz qaytarib olish huquqiga ega va 2-kursdan boshlab ishlashiga ruxsat berilishi rejalashtirilmoqda.
Ayniqsa, ayrim davlat oliygohlarini xususiylashtirish rejalashtirilayotgani ikkilanishda yurgan yoshlar uchun munosib taskin bo‘lib xizmat qilsa, ajab emas.