15 ta universitetga oʻqishga kirdi

Date:

Yoshlikda olingan bilim, vaqtida kurtak ochgan iqtidor, baribir, o‘z so‘zini aytadi. Alpomish-u Barchinoylar yurti hisoblanmish Boysunning baland tog‘lari, bohavo joylarida o‘sib ulg‘aygan Fotima ham muntazam o‘qidi, izlandi, o‘qishga bor mehrini qo‘yib, irs bilan kitob o‘qidi, til o’rgandi va bu tez orada o‘z samarasini berdi. Aytishadi-ku, oldinga maqsad qo‘yib, ildam harakat qilsa, astoydil Yaratgandan so‘rab mehnat qilsa, butun dunyo uni qo‘llab-quvvatlaydi, unga ko‘makka shoshadi deb. Fotimaning ham bugun zehni va topqirligi, ilmga bo‘lgan intilishi uni eng nufuzli universitetlar tomonga yetakladi.
Vaholangki, viloyatimizda dunyoning nufuzli universitetlari talabaligiga qabul qilinayotgan yoshlar safi kengayib bormoqda. Fotima ham ana shunday shijoatli yoshlarning izidan borib, 15 ta universitetga birdaniga hujjat topshirib, qarabsizki, barisida talabalikka tavsiya etilib turganiga nima deysiz.
Togʻli Boysun tumanida tarqalgan xushxabarga koʻra, tumandagi 13-maktab bitiruvchi sinf oʻquvchisi Fotima Xursanova bir yoʻla jahondagi 15 ta oliy ta’lim muassasasi talabaligiga qabul qilinib, 1 million 112 ming dollar miqdoridagi grant sohibasi boʻldi.
Fotima bilimdon yoshlar ko‘ngilda faqatgina havas uyg‘otadi. Ilmning ahamiyatini oshirsa oshiradiki, also kamaytirmaydi. Vaqtini kitobga oshno tutgan, ilm ummoniga sho‘ng‘igan inson hech qachon quruq qolmasligini, ummon ichra bir gavhar topajagini Fotima misolida ko‘rib turibmiz.

A.Safarova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Har bir xonadon daromadli bo‘lishi kerak

Denov tumanida “Kambag‘allikdan farovonlik sari” dasturi doirasida aholi bandligini...

Murosa va muloqot — oilaviy barqarorlik omili

Oiladagi kelishmovchiliklarni o‘z vaqtida aniqlash va ularni bartaraf etish,...

Tabiatga e’tibor — amaliy tashabbuslarda

Atrof-muhitni asrash va ekologik madaniyatni yuksaltirish faqat targ‘ibot bilan...

Yashil hududlar kengaytirilmoqda

Yo‘l infratuzilmasini obodonlashtirish bilan birga, uning atrofida yashil hududlarni...
KunTun
KunTun