Bugungi kunda “Tashabbusli byudjet” loyihasi doirasida e’tiborga molik loyihalar amalga oshirilmoqdaki, natijada aholi uchun qulay shart-sharoit va imkoniyatlar eshigi ochilmoqda. Maktab va bog‘chalar, ziyo maskanlarining qurilishi, ta’mirlanish ishlari boshlab yuborilmoqda. Faqatgina yetarli ovoz to‘plab, tanlovda g‘olib bo‘lsa, kifoya.
Termiz tumani Axborot-kutubxona markazi ham ayni loyihada ishtirok etib, g‘olib bo‘ldi. Qisqa muddat ichida kutubxona rekonstruksiya qilindi va zamonaviy ko‘rinish kasb etdi. Axborot-resurs markazi binosining foydalanishga topshirilishi esa angorliklar, qolaversa, ko‘plab kitobsevar yosh-u keksa uchun munosib tuhfa bo‘ldi.
Aytish kerakki, binoni taʼmirlash uchun 948 million so‘m mablag‘ sarflanib, zaruriy barcha shart-sharoitlar yaratildi. Qolaversa, kutubxonaning kitob fondini boyitish uchun mahalliy byudjetdan 35 million so‘m mablag‘ ajratilib, eng sara va o‘qishli adabiyotlar jamlanmalari bilan ta’minlandi.
H.Kamolova
