Yoshi ulug‘larimiz qo‘llarini duoga ochishar ekan, bejizga “o‘t balosidan, suv balosidan, …” deya fikrlarini boshlashmaydi. Ofatlar, o‘t balosi ham, suv balosi ham insonni, tabiatni xavf ostiga qoldiradi. Shirin jonlarga ozor berishi, tiriklikka zarar yetkazishi hech gap emas. Ob-havo injiqliklarini, tabiiy ofatlarni insoniyat aql-u zakovati ila to‘xtatishning imkoni yo‘q ekan, demak ulardan talafotsiz chiqish yo‘llarini topib qo‘yish o‘zimiz va hayotimiz, qolaversa, ona tabiat uchun ham eng keraklisi.
Bobotog‘ hududida kuchli yomg‘ir yog‘ishi natijasida kelgan sel avtomobil yo‘llariga va ekin maydonlariga zarar yetkazmay qo‘ymadi. Uzun tuman hokimligi va Bobotog‘ hududida joylashgan harbiy qism hamkorligida shu kunning o‘zida sel kelishi natijasida yopilib qolgan avtomobil yo‘llari tozalandi. Tabiiy ofatning zararlarini bartaraf etish choralari ko‘rildi.
S.Murodova
