Tokio—2020 paraolimpiya o‘yinlaridagi muvaffaqiyati sabab Guljanoy Naimovani yaxshi taniymiz. U o‘z jismoniy quvvatidan to‘g‘ri foydalangani uchun ham yutuqlarga erishgan, el og‘ziga tushgan sportchi. Hech qachon to‘xtash bilmaydiga va o‘z ustida tinimsiz ishlashdan to‘xtamaydigan sportchi qiz boradigan manzil Angliyaning Manchester shahrida bo‘lib o‘tayotgan para taekvondo bo‘yicha Yevropa ochiq chempionati bo‘ldi.
Quvonarlisi, Guljanoy o‘zbek xalqining yuzini yorug‘ qilib, xushxabarlar daragini yetkazdi. U ayollar o‘rtasida +65 kg vazn toifasida Turkiya, Serbiya va Ispaniya vakillarini mag‘lubiyatga uchratgan holda oltin medalga sazovor bo‘ldi.
Guljanoyning bu g‘alabasi Parij-2024 yozgi Paraolimpiya o‘yinlariga 20 reyting ochkosini o‘z hisobiga yozdirib qo‘yishga sabab bo‘ldi. Surxon qizi o‘z vazn toifasida dunyo reytingida peshqadamlikni ham saqlab qolayotgani bilan ko‘nglimizni faxr va iftihorga to‘ldiradi.
S..Normurodova
